ನಾನೇನೆಂದು ವರ್ಣಿಸಲಿ.. ||

ಹುಣ್ಣಿಮೆಯ ಚಂದಿರನು ನಾಚುವಂತ

ನಿನ್ನ ಸುಂದರ ಮೌನವ,

ಅರಳಿದ ತಾವರೆಯು ಮುದುಡುವಂತ

ನಿನ್ನಾ ವಯ್ಯಾರದ ಸ್ಪರ್ಶವ

ನಾನೇನೆಂದು ವರ್ಣಿಸಲಿ ಓ ನಲ್ಲೆ.. ||

ಸಂಗೀತದ ಅಲೆಗಳ ಮೇಲೆ ತೇಲಿ 

ಬರುವ ಸುಪ್ರಬಾತದಂತ ನಿನ್ನಾ ಸ್ವರವ,

ಚಿಮ್ಮುವ ಜಲಪಾತದಂತೆ

ಹುಕ್ಕಿಬರುವ  ನಿನ್ನ ಮುಗುಳ್ ನಗುವ

ನಾನೇನೆಂದು ವರ್ಣಿಸಲಿ ಓ ನಲ್ಲೆ.. ||

ಕನಸಿನ ಕಲ್ಪನೆಗು ಸಿಲುಕದ

ನಿನ್ನ ಮನಸಿನ ಸೌಂದರ್ಯವ, 

ತುಂತುರು ಮಳೆಯ ಹನಿಯಂತೆ

ಮಿಣುಕುವ ನಿನ್ನ ಕಣ್ಣೀನ ರೆಪ್ಪೆಯ

ನಾನೇನೆಂದು ವರ್ಣಿಸಲಿ ಓ ನಲ್ಲೆ.. ||

ಕತ್ತಲೆಯ ಕಾರ್ಮೋಡದಲು ಚಂದಿರನಂತೆ 

ಭಾಸವಾಗುವ ನಿನ್ನ ಮೊಗವನು, 

ಸಂಪಾದ ತಂಗಾಳಿಯಲ್ಲಿ ಮುಖ 

ಮಾಡಿ ಕಣ್ಮುಚ್ಚುತಿಹ ನಿನ್ನಾನಂದವನ್ನು, 

ನಾನೇನೆಂದು ವರ್ಣಿಸಲಿ ಓ ನಲ್ಲೆ.. ||

                    - ಹಳ್ಳಿ ಹುಡುಗ ತರುಣ್

  tharunkumar84@gmail.com